საქართველო, 18 ივლისი, საქინფორმი. ერევანში, პოლიციის შენობაში გამაგრებულმა შეიარაღებულმა პირებმა ერთი მძევალი გაათავისუფლეს. ამის შესახებ რუსული მედია იუწყება.

მათი ინფორმაციით, ამ დროისთვის, პოლიციის შენობაში ხუთი მძევალი რჩება, მათ შორის, პოლიციის მაღალჩინოსნები - ვარდან ეგიაზარიანი და ვალერი ოსიპიანი.

მედიის ცნობით, სომხეთში 200-მდე ადამიანია დაკავებული, რათა მათი პოლიციის შენობის დაკავებასთან კავშირი დადგინდეს.

პოლიციის შენობა ოპოზიციის წარმომადგენლებმა 17 ივლისს დაიკავეს. შემთხვევას მსხვერპლი მოჰყვა - გარდაიცვალა ერთი სამართალდამცველი.