სამართალი
შსს-მ აჭარაში დიდი ოდენობით ნარკოტიკი ამოიღო
საქართველო, 19 აპრილი, საქინფორმი. შსს-ს აჭარის ა/რ-ის პოლიციის დეპარტამენტის ბათუმის საქალაქო სამმართველოს თანამშრომლებმა გოგიტა შ. დიდი ოდენობით ნარკოტიკული საშუალების და ახალი ფსიქოაქტიური ნივთიერების უკანონო შეძენა-შენახვის ბრალდებით, სარფში დააკავეს.
სამართალდამცველებმა დაკავებულის პირადი ჩხრეკისას 91 შეკვრად დაფასოებული 20,173 გრ მცენარეული მასა ამოიღეს, რომელიც ახალ ფსიქოაქტიურ ნივთიერებათა კანაბინომიმეტურად მოქმედ ქიმიურ ნაერთთა კლასს მიეკუთვნება. ასევე ამოღებულია 1 შეკვრად დაფასოებული ნარკოტიკული საშუალება, რომელიც 0,05616 გრ მდმა-ს (3,4-მეთილენდიოქსიმეტამფეტამინს) შეიცავს.
