საზოგადოება
“არ არის გამორიცხული, "ნაცმოძრაობას" ჯოზეფ დოულზე მაკომპრომეტირებელი კადრები ჰქონდეს ჩაწერილი” – ბენიძე
საქართველო, 8 აპრილი, საქინფორმი. ამის შესახებ “მემარცხენე ალიანსის" თბილისის ორგანიზაციის ხელმძღვანელმა არჩილ ბენიძემ „პირველ პრესკლუბში“ გამართულ ბრიფინგზე განაცხადა.
„სააგენტო "World news"-ის სტატიაში ნახსენებია, რომ შესაძლოა, დოული სკანდალში გაეხვიოს ანგარიშებთან დაკავშირებით. „ნაცმოძრაობისგან“ ფინანსდებოდა მათი პარტია, როდესაც ისინი არჩევნებში იღებდნენ მონაწილეობას - "ნაცმოძრაობის" შავი ფულები ირიცხებოდა ევროპის სახალხო პარტიის ანგარიშებზე", - აღნიშნა ბენიძემ.
"უამრავი კადრი არსებობს პოლიტიკოსებზე, რომლებიც "ნაცმოძრაობასთან" ერთად ერთ ნოტზე მღერიან. უამრავი ვიდეომასალა შეიძლება საერთაშორისო ორგანიზაციებზე, სხვადასხვა პარტიის თუ სახელმწიფო წარმომადგენლებზე ჰქონდეთ ჩაწერილი და მათზე შანტაჟს ახორციელებენ", - განაცხადა არჩილ ბენიძემ.
