საქართველო, 29 მარტი, საქინფორმი. შინაგან საქმეთა სამინისტრომ, დანაშაულის პრევენციისა და საზოგადოებრივი წესრიგის დაცვის მიზნით, 2016 წლის 23-26 მარტს მთელი ქვეყნის მასშტაბით სპეციალური საპოლიციო კონტროლი განახორციელა.
გამოვლენილია სისხლის სამართლის 192 დანაშაული, მათ შორის: ცეცხლსასროლი იარაღის მართლსაწინააღმდეგო შეძენა-შენახვისა და ტარების 67 ფაქტი; ნარკოტიკების უკანონო შეძენა-შენახვის 29 ფაქტი; საქართველოში ნარკოტიკების უკანონოდ შემოტანის 8 ფაქტი;
ძარცვის 2 ფაქტი.
დაფიქსირდა ადმინისტრაციულ სამართალდარღვევათა 966 შემთხვევა: ნარკოტიკების უკანონო მოხმარების 77 ფაქტი; წვრილმანი ხულიგნობის 28 ფაქტი; დაუმორჩილებლობისა და წვრილმანი ხულიგნობის 34 ფაქტი.
საპოლიციო კონტროლის მიმდინარეობისას უკანონო ბრუნვიდან ამოღებული იქნა: 8 ავტომატი, 8 პისტოლეტი, 4 რევოლვერი, 4 ყუმბარმტყორცნი, 6 შაშხანა, 9 გადაჭრილი სანადირო თოფი, 3 მცირეკალიბრიანი შაშხანა, 50 ხელყუმბარა, 6 ჭურვი, 3 ქვეითსაწინააღმდეგო ნაღმი და სხვ. ასევე ამოღებულია: 9 შეკვრა და 0,8345 გრ. ჰეროინი, 1,5 გრ. ბუპრენორფინი, 10 შეკვრა და 39 აბი სუბოქსინი, 45 აბი კოდეინი, 8 შეკვრა მარიხუანა და სხვ.
საპოლიციო კონტროლის დროს ჩადენილი სისხლის სამართლის დანაშაულისთვის დააკავეს 59 პირი, ხოლო ადმინისტრაციული წესით – 148 პირი.