საქართველო, 17 დეკემბერი, საქინფორმი. კიევის პოდოლსკის რაიონის სასამართლომ ოდესის გუბერნატორის მიხეილ სააკაშვილის წინააღმდეგ დნეპროპეტროვსკის ოლქის ყოფილი გუბერნატორის იგორ კოლომოისკის სარჩელი დააკმაყოფილა. ამის შესახებ „უნიანი“ იუწყება.

„სასამართლოს გადაწყვეტილებით, სააკაშვილის მიერ ტელეარხ “1+1”-ის ეთერში გავრცელებული ინფორმაცია სიმართლეს არ შეესაბამება. ოდესის გუბერნატორის ეს განცხადება ათი დღის ვადაში უნდა იყოს უარყოფილი.

2015 წლის ივლისში ტელეარხ „1+1“-ის ეთერში სააკაშვილმა კოლომოისკი ოდესის პორტში კონტრაბანდულ საქმიანობაში დაადანაშაულა. მან შესაბამისი მტკიცებულებების წარმოდგენის პირობაც დადო.