საქართველო, 9 ნოემბერი, საქინფორმი. შვედეთის ყოფილმა საგარეო საქმეთა მინისტრმა კარლ ბილდტმა რიგის კონფერენციაზე, “აიპრესთან” საუბრისას “რუსთავი 2”-ის ირგვლივ განვითარებული მოვლენების შესახებ კომენტარი გააკეთა.

„მე მოვისმინე თქვენი პრეზიდენტის განცხადება, რომ იკვლევენ, თუ რა ხდება ამ საქმეზე, რომ ეს ქვეყნის დემოკრატიულ იმიჯს აზარალებს. ეს უდაოდ აზარალებს საქართველოს ევროატლანტიკური ინტეგრაციის პერსპექტივებს. ნაწილობრივ ეს არის პრემიერ-მინისტრის განცხადებების ნაწილი... მიმდინარეობს პოლიტიკური კამპანია მედიის წინააღმდეგ და ამ შემთხვევაში ტელევიზიის წინააღმდეგ... "მან გააკეთა რამდენიმე კვირის წინ განცხადება, რომელიც ზღვარგადასული იყო და შედეგიც მოჰყვა. რაც ახლა ხდება, სწორედ მის განცხადებას შეიძლება რომ დავუკავშიროთ“, -აღნიშნა, კერძოდ კარლ ბილდტმა.