სამართალი
სოფელ ნორიოს მიმდებარე ტერიტორიაზე ქართული არმიის გარდაცვლილი სამხედრო მოსამსახურე - კაპრალი გურამ კომლაძე იპოვეს
საქართველო, 22 ოქტომბერი, საქინფორმი. ამის შესახებ ინფორმაციას თავდაცვის სამინისტრო ავრცელებს. შემთხვევა 19 ოქტომბერს მოხდა.
„19 ოქტომბერს, სოფელ ნორიოს მიმდებარე ტერიტორიაზე გარდაცვლილი ჯარისკაცი იპოვეს. კაპრალი გურამ კომლაძე, პირველი მსუბუქი ქვეითი ბრიგადის 12-ე ბატალიონში ლულისქვეშა ყუმბარმტყორცნელად მსახურობდა. მომხდარ ფაქტთან დაკავშირებით გამოძიებას სამხედრო პოლიციის დეპარტამენტი აწარმოებს.
საქართველოს თავდაცვის სამინისტრო მწუხარებას გამოთქვამს კაპრალ გურამ კომლაძის გარდაცვალებასთან დაკავშირებით და უსამძიმრებს დაღუპული სამხედრო მოსამსახურის ოჯახს“, – აღნიშნულია თავდაცვის სამინისტროს განცხადებაში.
