აქტუალური
დავით სერგეენკო: „გაკვირვებული ვარ, რომ აქცენტი მარტო იმაზეა, კადრები უნდა გაშვებულიყო თუ არა და აღარავინ არ ახსენებს იმას, რომ ეს მართლაც მოხდა“
საქართველო, 20 ოქტომბერი, საქინფორმი. ამის შესახებ ჯანდაცვის მინისტრმა დავით სერგეენკომ საქართველოს რამდენიმე ქალაქში ზუგდიდის სამალავებიდან ამოღებული ვიდეოკადრების საჯარო ჩვენებასთან დაკავშირებით განაცხადა, რომლებზეც ასახულია სექსუალური ძალადობა - სააკაშვილის რეჟიმის დროს, ჩაუდენელ დანაშაულზე აღიარებითი ჩვენებების მისაღებად, დაკავებულთა ანალური წამება (გასულ შაბათს უკრაინულმა ვიდეოპორტალმა გაავრცელა).
მისი თქმით, რეჟიმი შეიცვალა არა კადრების ნახვის გამო, არამედ მოსახლეობამ საკუთარი არჩევანი მრავალი ფაქტორის გამო გააკეთა.
"რეჟიმი არ შეცვლილა კასრების ისტორიის გამო, არამედ შეიცვალა იმის გამო, რომ საქართველოს მოსახლეობამ გააკეთა თავისი არჩევანი, მრავალი სხვა ფაქტორის გამო", - განაცხადა დავით სერგეენკომ, რომელიც ამაში მხოლოდ ნაწილობრივაა მართალი.
