პოლიტიკა
თბილისში საერთაშორისო ბრენდის ხუთვარსკვლავიანი სასტუმრო Hotels & Preference Hualing Tbilisi გაიხსნა – გახსნის ცერემონიაში მონაწილეობა მიიღო პრემიერ–მინისტრმა ირაკლი ღარიბაშვილმა
საქართველო, 16 ოქტომბერი, საქინფორმი. მთავრობის მეთაურმა კომპანია „ჰუალინგ ჯგუფს“ პროექტის წარმატებით დასრულება მიულოცა.
„დასრულდა კიდევ ერთი წარმატებული პროექტი, რომელიც ჩინურმა კომპანიამ - „ჰუალინგ ჯგუფმა“ ჩვენს ქვეყანაში განახორციელა. კომპანია "ჰუალინგი" ახორციელებს ძალიან მნიშვნელოვან ინვესტიციებს საქართველოში. როგორც უკვე აღვნიშნე, 500 მილიონი დოლარის ინვესტიციებს დებს ჩვენს ქვეყანაში. მე მინდა აღვნიშნო მათი ყველაზე მასშტაბური დეველოპერული პროექტი - თბილისის ზღვის ახალი ქალაქი, რომელიც აღჭურვილია თანამედროვე ინფრასტრუქტურით. სწორედ ამ ტერიტორიაზე გაშენებულმა ოლიმპიურმა სოფელმა უმასპინძლა ევროპის ახალგაზრდულ ოლიმპიურ ფესტივალს, ერთ-ერთ ყველაზე მასშტაბურ სპორტულ ღონისძიებას, რომელიც ჩვენს ქვეყანაში გაიმართა.
ხუთვარსკვლავიანი სასტუმრო „Hualing Tbilisi“ საერთაშორისო სასტუმროთა ქსელის - „Hotels & Preference“–ის პირველი წარმომადგენლობაა საქართველოში.
სასტუმროს მშენებლობა დაიწყო 2013 წელს, პროექტის საერთო მოცულობაა 73 მილიონი აშშ დოლარი და ამ ეტაპზე დასაქმებულია 300-მდე ადამიანი.
