საზოგადოება
საქართველოს ფეხბურთის ფედერაციის პრეზიდენტად ლევან კობიაშვილი აირჩიეს
საქართველო, 6 ოქტომბერი, საქინფორმი. კობიაშვილს ფარული კენჭისყრით ჩატარებულ არჩევნებში მონაწილე დელეგატების უმრავლესობამ, 18-მა დაუჭირა მხარი, არველაძეს კი 15-მა დელეგატმა, მე-3 კანდიდატს, მამუკა კვარაცხელიას კი არც ერთი ხმა არ ერგო. ამის შესახებ guardian.ge იტყობინება. რევაზ არველაძემ ფედერაციის ახალ პრეზიდენტს, ლევან კობიაშვილს გამარჯვება მიულოცა და წარმატებები უსურვა.
“ძალიან დიდი მადლობა მინდა ვუთხრა ყველას. ჩემთვის მართლაც ძალიან ემოციურია ეს ყველაფერი. ეს არ არის მარტო ჩემი, ეს არის ერთიანი ქართული ფეხბურთის გამარჯვება", - განაცხადა კობიაშვილმა.
„ვიცი, რამხელა პასუხისმგებლობა და გამოწვევაა, მაგრამ ერთ რამეში ვარ დარწმუნებული, რომ ქართული ფეხბურთი იმსახურებს უკეთეს ფეხბურთს. მინდა ვუთხრა სხვა კანდიდატებს, რომ ჩვენ არ ვართ ოპონენტები, ჩვენ ვართ მეგობრები", - აღნიშნა მან.
