სამართალი
შსს-მ 5 კილომდე კოკაინი და 15 კილომდე მარიხუანა ამოიღო
საქართველო, 27 აგვისტო, საქინფორმი. შსს-ს ცენტრალური კრიმინალური პოლიციის დეპარტამენტის ორგანიზებულ დანაშაულთან ბრძოლის მთავარი სამმართველოს ნარკოტრანზიტების წინააღმდეგ ბრძოლის განყოფილების და შემოსავლების სამსახურის საბაჟო დეპარტამენტის თანამშრომლებმა სამი პირი: ბრაზილიის ფედერაციის ორი მოქალაქე ელიზაბედ ლუიზა დოს ს. და კარინა ე, და სამხრეთ აფრიკის რესპუბლიკის ერთი მოქალაქე ოდეთთე ვ. განსაკუთრებით დიდი ოდენობით ნარკოტიკული საშუალების საქართველოში უკანონოდ შემოტანის ბრალდებით დააკავეს.
პოლიციამ ელიზაბედ ლუიზა დ-ს და კარინა ე-ს პირადი ჩხრეკისას 10 შეკვრად დაფასოებული ნარკოტიკული საშუალება ამოიღო, რომელიც ექსპერტიზის დასკვნით, 4 კილო და 794,68 გრ კოკაინია, ხოლო ოდეთთე ვ-ს ხელბარგის ჩხრეკისას ამოღებულია 14 კილო და 835 გრამი მარიხუანა. სამივე დაკავებული აღიარებს ჩადენილ დანაშაულს. 
