საქართველო, 14 აგვისტო, საქინფორმი. როგორც საქინფორმისთვის სანდო წყაროდან - ოდესის საოლქო ადმინისტრაციის თანამშრომლისგან - გახდა ცნობილი, სააკაშვილთან განსაკუთრებით დაახლოებულმა თანაშემწემ (მიშას უკრაინელმა საყვარელმა, რომელიც მისი უსაზღვრო ნდობით სარგებლობს), თავისი მეგობრების ვიწრო წრეში პიკანტური ინფორმაცია გაახმაურა.

თურმე, ქართული ღვინით სავსე მდიდრულ ბანკეტზე, რომელიც ორშაბათს, 10 აგვისტოს, ბუნების წიაღში ოდესჩინის ახალმა გუბერნატორმა „დიდი“ სტუმრის - რუსი პოეტისა და მუსიკოსის ბორის გრებენშჩიკოვის საპატივცემულოდ მოაწყო, სადაც იგი მის გვერდით იჯდა, როკ-ჯგუფ „აკვარიუმის“ ლიდერმა მას თავისი სახელგანთქმული სიმღერა „cтарик Коздлодоев“ უმღერა, თავისი ავხორცობით ასე რომ ჰგავს თავად სააკაშვილს... უცნობია, რუსული როკის „მამამ“ ეს განგებ გააკეთა, თუ იმის საპასუხოდ, რომ მიშა მას ფამილარულად ექცეოდა სუფრასთან და „старик“-ს ეძახდა?..