საქართველო, 24 ივლისი, საქინფორმი. საქართველოს პოლიტიკა რუსი და ოსი მესაზღვრეების მიმართ „რეგიონში დაძაბულობისკენ არის მიმართული და ვითარების დესტაბილიზაციას ახდენს“, - მიაჩნიათ რფ-ის სააგრეო საქმეთა სამინისტროში.

„20 ივლისს ცხინვალის ინიციატივით, ინციდენტებზე რეაგირებისა და აღკვეთის ერთობლივი მექანიზმის ფარგლებში, გაიმართა მორიგი შეხვედრა საქართველო-სამხრეთ ოსეთის საზღვრის რაიონში, სამხრეთ ოსეთის რესპუბლიკის მესაზღვრეების მიერ სახელმწიფოთაშორისი საზღვრის ხაზზე ნიშნულების აღდგენის გამო ამასწინანდელ პროვოკაციულ კამპანიასთან დაკავშირებით“, - იტყობინება რფ-ის საგარეო საქმეთა სამინისტროს ოფიციალური საიტი.

უწყებაში აღნიშნავენ, რომ „უწინ საქართველოს საგარეო საქმეთა სამინისტროსა და შსს-ს არხებით გავრცელებული და მედიის მიერ ფართოდ ატაცებული ინფორმაცია, თითქოსდა ადგილი ჰქონდა „საქართველოს ტერიტორიის სიღრმეში სასაზღვრო ხაზის გადატანას“, „სინამდვილეს არ შეესაბამება“.