წყალტუბოს ცენტრალურ პარკში 3-სართულიანი, უახლესი აპარატურით აღჭურვილი, საერთაშორისო სტანდარტების ბალნეოლოგიურ–სარეაბილიტაციო ცენტრი გაიხსნა
საქართველო, 20 ივლისი, საქინფორმი. გახსნის ცერემონიას პრემიერ–მინისტრი ირაკლი ღარიბაშვილი დაესწრო.
„ბალნეოლოგიური ცენტრი უნიკალურია წყალტუბოსთვის. დიდი მადლობა მინდა გადავუხადო ამისთვის ბადრი კაკაბაძეს და მის ოჯახს. პროექტში დაიხარჯა 5 მილიონი ლარი. ცენტრი აშენდა ქართული სამშენებლო მასალებით და აქ დასაქმდა ადგილობრივი მოსახლეობა. წყალტუბო არის უნიკალური, ის იბრუნებს იმ ისტორიულ ფუნქციას, რომელიც მას ჯერ კიდევ საბჭოთა კავშირის დროს ჰქონდა მინიჭებული",- განაცხადა ირაკლი ღარიბაშვილმა ჟურნალისტებთან საუბრისას. ბალნეოლოგიურ–სარეაბილიტაციო ცენტრი დღეში 300-500 პაციენტს მოემსახურება.
ცენტრის მშენებლობა 2014 წლის აგვისტოში დაიწყო. ყოველდღიურად, სხვადასხვა სამუშაოებზე დასაქმებული იყო 100 ადამიანი.