სამართალი
შსს-მ ქურდული სამყაროს წევრობის და გამოძალვის ბრალდებით ბათუმში ერთი პირი დააკავა
საქართველო, 6 ივლისი, საქინფორმი. შსს-ს აჭარის მთავარი სამმართველოს თანამშრომლებმა წარსულში მრავალჯერ ნასამართლევი გიორგი მ. ქურდული სამყაროს წევრობის და გამოძალვის ბრალდებით, ხოლო წარსულში ნასამართლევი შალვა ქ. პოლიციელისთვის წინააღმდეგობის გაწევის ბრალდებით დააკავეს.
გიორგი მ. 2015 წლის დასაწყისიდან თურქეთის რესპუბლიკის მოქალაქეს სიცოცხლის მოსპობის მუქარითა და ძალადობის გამოყენებით ფულს სისტემატურად სძალავდა. ასევე დადგინდა, რომ გიორგი მ. აღიარებს ქურდულ სამყაროს.
სამართალდამცველებმა გიორგი მ. ბათუმში, ბაგრატიონის და ლერმონტოვის ქუჩების კვეთაზე დააკავეს, რა დროსაც მისმა თანმხლებმა შალვა ქ-მ პოლიციის თანამშრომლებს ფიზიკური და სიტყვიერი შეურაცხყოფა მიაყენა, რის გამოც ისიც შემთხვევის ადგილზე დააკავეს.
