სამართალი
შსს-მ თაღლითობის მცდელობის ბრალდებით ერთი პირი დააკავა
საქართველო, 3 ივლისი, საქინფორმი. შსს-ს სამეგრელო-ზემო სვანეთის სამხარეო მთავარი სამმართველოს და სახელმწიფო უსაფრთხოების სააგენტოს თანამშრომლებმა წარსულში ნასამართლევი რამაზ ა. თაღლითობის მცდელობის ბრალდებით ზუგდიდში დააკავეს.
ბრალდებული იძულებით გადაადგილებულ პირს - ლოლიტა ბ-ს საქართველოს ოკუპირებული ტერიტორიებიდან იძულებით გადაადგილებულ პირთა განსახლებისა და ლტოლვილთა სამინისტროსგან ბინის დროულად მიღებაში დახმარებას დაჰპირდა და სანაცვლოდ მოსთხოვა 2000 ლარი, ხოლო წინასწარ გამოართვა 250 ლარი.
სამართალდამცველებმა რამაზ ა. თანხის გამორთმევის ფაქტზე დააკავეს. ბრალდებული აღიარებს ჩადენილ დანაშაულს.
