თბილისი მოსკოვისგან ძალის გამოუყენებლობის შესახებ ვალდებულების აღებას მოითხოვს
საქართველო, 1 ივლისი, საქინფორმი. დღეს საქართველო, კავკასიაში უსაფრთხოების საქმეში ჟენევის დისკუსიის 32-ე რაუნდზე, რუსეთისგან ძალის გამოუყენებლობის შესახებ ვალდებულების აღებას მოითხოვს.
ჟენევის დისკუსიები 2008 წლის ომის შემდეგ იმართება, მათში რუსეთისა და საქართველოს დელეგაციების გარდა, მონაწილეობენ აფხაზები, ოსები, ასევე საერთაშორისო შუამავლები - აშშ, ეუთო, გაერო და ევროკავშირი.
აღნიშნულ მომენტში რუსეთის დელეგაციას ჟენევაში სათავეში უდგას საგარეო საქმეთა მინისტრის მოადგილე
გრიგორი კარასინი, საქართველოს დელეგაციას კი საგარეო საქმეთა მინისტრის პირველი მოადგილე
დავით დონდუა.
საქართველოს საგარეო უწყების პრესსპიკერი დავით კერესელიძის თქმით, დღევანდელ რაუნდზე ქართული მხარე საერთაშორისო შუამავალთა ყურადღებას მიაპყრობს რუსეთის მიერ უწინ დადებულ მოკავშირულ შეთანხმებებს აფხაზეთსა და სამხრეთ ოსეთთან. „ეს შეთანხმებები ანექსიისკენ გადადგმული კიდევ ერთი ნაბიჯია“, - აღნიშნა კერესელიძემ.
