პოლიტიკა
ნატოს ევროპული ძალების უმაღლესი მთავარსარდლის მოადგილე, გენერალი სერ ადრიან ბრედშოუ ეროვნულ სასწავლო ცენტრ „კრწანისს“ ესტუმრა
საქართველო, 26 ივნისი, საქინფორმი. საქართველოს შეიარაღებული ძალების გენერალური შტაბის უფროსმა, გენერალ-მაიორმა ვახტანგ კაპანაძემ ნატოს გენერალს I ქვეითი ბრიგადის მე-12 ბატალიონი წარუდგინა. ბატალიონის ასეულები ნატოს სწრაფი რეაგირების ძალებში ჩართვისთვის ემზადებიან.
გენერალმა ბრედშოუმ ქართველ სამხედროებს სიტყვით მიმართა და საერთაშორისო უსაფრთხოების უზრუნველყოფის პროცესში საქართველოს წვლილზე გაამახვილა ყურადღება.
I ქვეითი ბრიგადის მე-12 ბატალიონის სამხედროებთან შეხვედრის დასრულების შემდეგ, გენერლებს ეროვნული სასწავლო ცენტრის ხელმძღვანელობამ სასწავლო კურსების შესახებ სპეციალური პრეზენტაცია წარუდგინა.
