საქართველო, 12 ივნისი, საქინფორმი. 10 ივნისის საღამოს ჰაკერებმა გატეხეს ლიტვის შეიარაღებული ძალების გაერთიანებული შტაბის საიტი, რის შემდეგაც პორტალზე გამოჩნდა ინფორმაცია ქვეყნის გეგმების შესახებ კალინინგრადის ანექსირების თაობაზე, - გადმოსცემს Delfi.

იტყობინებოდნენ, რომ ბალტიისპირეთის ქვეყნებსა და პოლონეთში 1 ივნისს დაწყებული ნატოს წვრთნები „დარტყმა მახვილით“ ამ მოქმედებების მოსამზადებელი ეტაპი იყო.

მოგვიანებით ინფორმაცია საიტიდან აიღეს, თავდაცვის სამინისტროს პრესმდივანმა ვიქტორია ცემინიტემ კი განაცხადა, რომ ადგილი ჰქონდა ჰაკერულ შეტევას. მისი თქმით, ამჟამად ანალიტიკოსები გატეხის ფაქტს იძიებენ.