პუბლიკაციები
პრეზიდენტმა გიორგი მარგველაშვილმა ალიანსის წევრი და პარტნიორი ქვეყნების შეიარაღებული ძალების მაღალჩინოსნები და ექსპერტები მიიღო
საქართველო, 10 ივნისი, საქინფორმი. ღონისძიების დაწყებამდე პრეზიდენტი მარგველაშვილი ნატოს ტრანსფორმაციის გაერთიანებული ძალების სარდალს, საფრანგეთის საჰაერო ძალების გენერალ ჟან-პოლ პალომეროსს შეხვდა.
ნატოს სტრატეგიული სამხედრო პარტნიორობის ყოველწლიური კონფერენციის მონაწილეებს სიტყვით მიმართეს საქართველოს პრეზიდენტმა, თავდაცვის მინისტრმა და გენერალმა ჟან-პოლ პალომეროსმა.
მიღებაზე ქართველი სამხედრო მოსამსახურეების დაჯილდოების ცერემონიალი გაიმართა. გიორგი მარგველაშვილმა ვიცე-პოლკოვნიკ კობა გრიგოლიას სამშობლოს დაცვისა და ერთიანობის უზრუნველყოფაში განსაკუთრებული პირადი დამსახურებისათვის მედალი „საბრძოლო დამსახურებისთვის“ გადასცა, ხოლო ვიცე-პოლკოვნიკები ვლადიმერ ნათენაძე და დავით გაგუა, ასევე, უფროსი სერჟანტი პაატა ჭანტურია ღირსების მედლებით დაჯილდოვა.
 |
