საქართველო, 9 ივნისი, საქინფორმი.  მოსკოვში 65 წლის ასაკში ექსტრასენსი, მკურნალი, მეცნიერი, სამკურნალო დანადგარების გამომგონებელი, პოეტი, მხატვარი, მსახიობი ჯუნა დავითაშვილი გარდაიცვალა.

სხვადასხვა დროს ჯუნას პაციენტები იყვნენ ლეონიდ ბრეჟნევი, ილია გლაზუნოვი, ჯულიეტა მაზინა, რობერტ დე ნირო, მარჩელო მასტროიანი, ანდრეი ტარკოვსკი, ფედერიკო ფელინი და სხვა ცნობილი ადამიანები. მკურნალობის გარდა, ჯუნა დიდ დროს უთმობდა ხელოვნებას: ხატავდა, წერდა ლექსებს, მოთხრობებს და გამოდიოდა სცენაზე.

ბოლო წლებში ჯუნას ძალიან ენატრებოდა შვილი, ვახტანგი. 2001 წელს მას 26 წლის ასაკში დაეღუპა შვილი. ამის შემდეგ ჯუნა გულჩათხრობილი გახდა, ყოველ დღესასწაულს საფლავზე ატარებდა და მეგობრებთან ერთად იგონებდა გარდაცვლილ შვილს.