აქტუალური
საქართველოს პრემიერ-მინისტრი ირაკლი ღარიბაშვილი: „მწუხარებას გამოვთქვამ დიდი რეჟისორის - ბატონი რეზო ჩხეიძის გარდაცვალების გამო. რეზო ჩხეიძის შემოქმედებას, მის ნიჭიერებას მსოფლიო იცნობს. ჩვენთვის ის განსაკუთრებით ძვირფასი და საამაყო ადამიანი იყო. ბატონმა რეზომ დაგვიტოვა არაერთი კინოშედევრი. მან შექმნა დაუვიწყარი სახეები. ვისაც ერთხელ მაინც უნახავს "ჯარისკაცის მამა" , შეუძლებელია მისი შემოქმედების თანაზიარი არ გამხდარიყო.
სამწუხაროა, რომ ჩვენგან წავიდა ადამიანი, რომელმაც უდიდესი წვლილი შეიტანა ქართული კინოს ფენომენის შექმნაში და თავისი კვალი დაამჩნია თითოეული ჩვენგანის სულს. ვუსამძიმრებ ბატონი რეზოს ოჯახს, მის ახლობლებს, მთელ საქართველოს“.
პრემიერ-მინისტრის დავალებით შეიქმნება რეზო ჩხეიძის დამკრძალავი სახელმწიფო კომისია და დაკრძალვის ხარჯებს დაფარავს მთავრობა.