საზოგადოება
ღარიბაშვილი კონკურსში გამარჯვებულ ახალციხელ მოსწავლეებს: ირაკლი კაპანაძესა და კარლო ხუციშვილს შეხვდა, რომლებიც 9-11 აპრილს NASA-ს კოსმოსურ ცენტრში, კონრადის ფონდის მიერ ორგანიზებულ საერთაშორისო სამიტში მიიღებენ მონაწილეობას
საქართველო, 2 აპრილი, საქინფორმი. პრემიერ–მინისტრმა წარმატება უსურვა მათ და სამახსოვრო საჩუქრები გადასცა.
„ძალიან მიხარია და ვამაყობ, რომ ასეთი ნიჭიერები და ინტერესიანები ხართ. გილოცავთ ამ დიდ წარმატებას... საინტერესოა, რომ თქვენი ასაკის ბავშვებმა სოფლის, გლეხების პრობლემებს მიაქციეთ ყურადღება და თქვენი ცოდნა და ნიჭი სწორედ ამ მიმართულებით წარმართეთ. თქვენი გამოგონებული „მულტიკლიმატიზატორი“, რომელიც მიწის ტენიანობას, ტემპერატურასა და მოსალოდნელ ამინდს განსაზღვრავს, ფერმერებს ძალიან გაუადვილებს მუშაობას“,– განაცხადა ირაკლი ღარიბაშვილმა შეხვედრაზე.
