საზოგადოება
დიმიტრი შაშკინი შეძახილებითა და სტვენით ''გამოაცილეს''
განათლებისა და მეცნიერების მინისტრმა დიმიტრი შაშკინმა №173 საჯარო სკოლა შეძახილებისა და სტვენის ფონზე დატოვა. მოსწავლეები, ძირითადად, "მზია, მზია!"-ს გაიძახოდნენ. მზია გიორგობიანი მათი სკოლის ყოფილი დირექტორია, რომელიც თანამდებობიდან მას შემდეგ გაათავისუფლეს, რაც № 173 სკოლის მე-12 კალსის მოსწავლეებმა საპროტესტო აქციაში მიიღეს მონაწილობა.
შაშკინი სკოლის შენობიდან გამოსვლისას რამდენჯერმე შეჩერდა და სცადა, აეხსნა მოსწავლეებისთვის, თუ რატომ მიიღეს გადაწყვეტილება მზია გიორგობიანის მოხსნის შესახებ. მინისტრის განცხადებით, № 173 საჯარო სკოლა სიდიდით მეორეა მთელს საქართველოში. ამ სკოლაში ამ დრომდე არ იყო მოგვარებული გათბობისა და კვების ბლოკის პრობლემები.სკოლიდან გამოსულ მინისტრს სკოლის მოსწავლეები ქუჩაშიც შეძახილებით გაჰყვნენ. ისინი გაკვეთილებზე დასწრებას არ აპირებენ, ვიდრე ძველ დირექტორს, მზია გიორგობიანს სკოლაში არ დააბრუნებენ.
