საზოგადოება
დავით უსუფაშვილი: “აშშ-თან ძალიან მჭიდრო თანამშრომლობის შენარჩუნება და გაღრმავება არის სრულიად აუცილებელი“
საქართველო, 4 მარტი, საქინფორმი. ვაშინგტონში ვიზიტის ფარგლებში, პარლამენტის თავმჯდომარე დავით უსუფაშვილი და პარლამენტის საგარეო ურთიერთობათა კომიტეტის თავმჯდომარე თედო ჯაფარიძე შეხვდნენ სახელმწიფო მდივნის თანაშემწე ვიქტორია ნულანდს, ეროვნულ-დემოკრატიული ინსტიტუტის წარმომადგენლებს, მსოფლიო ბანკის ყოფილ პრეზიდენტ ბობ ზელიკს და საერთაშორისო ორგანიზაცია „ფრიდომ ჰაუსის“ პრეზიდენტ მარკ ლაგონს.
შეხვედრებზე საუბარი შეეხო საქართველოში და რეგიონში მიმდინარე მოვლენებს, სამომავლო თანამშრომლობის პერსპექტივებს და საქართველოს ევროატლანტიკურ სივრცეში ინტეგრაციის პროცესს.
