როგორც ჩანს, საქინფორმის მთავარი რედაქტორის ვერსია ბორის ნემცოვის მკვლელობაში უკრაინული კვალის შესახებ, რომლის ძაფებსაც უკრაინის პრეზიდენტის მთავარ მრჩეველ - მიხეილ სააკაშვილთან მივყავართ - დასტურდება! არცთუ ცნობილი უკრაინელი ფოტომოდელი ანა დურიცკაიას საყვარელი უკრაინის უმაღლესი რადის ოდიოზური დეპუტატი, შეთავსებით უკრაინის ნაციონალური გვარდიის პოლკი „დნეპრი-1“-ის მეთაური, მიხეილ სააკაშვილის მეგობარი და თანამოაზრე იური ბერეზა აღმოჩნდა! ხოლო სააკაშვილთან ერთად ფოტოზე გამოსახული „კრიმინალური ტიპები“, რომლებსაც არნო ხიდირბეგიშვილი ახსენებს, ბერეზას მებრძოლები - ანუ უკრაინის ნაციონალური გვარდიის პოლკი „დნეპრი-1“-ის მებძროლები აღმოჩნდნენ! არაპროფესიონალები, რომლებმაც სხვადასხვა მწარმოებლის ვაზნები გამოიყენეს, მაგრამ არ უსვრიათ მთავარი მოწმის - თავისი მეთაურის საყვარლის - ანა დურიცკაიასთვის, და, უბრალოდ, მისი ღალატისთვის შური იძიეს ბერეზას მეტოქეზე...
დავძენთ, რომ უკრაინელმა მოდელმა ანა დურიცკაიამ, რომელიც მკვლელობის მომენტში ნემცოვთან ერთად სეირნობდა ხიდზე, ვიდეოკამერებისთვის „იღბლიანად“ დამალული რომაა, გუშინ უარი თქვა სიცრუის დეტექტორზე შემოწმებაზე - მისმა ადვოკატმა ვადიმ პროხოროვმა განაცხადა: „ჩვენი პოზიცია ასეთია: რაკიღა დაკითხვაზე არ იქნება მიცემული არავითარი ახალი ჩვენება და მოწმდება მხოლოდ სიმართლე, მისი ჩვენების სიმართლეში კი ეჭვი არავის ეპარება, პოლიგრაფზე დაკითხვაზე უარს ვამბობთ. მას ახლა მძიმე ფსიქოლოგიური სიტუაცია აქვს - პოლიგრაფი კი ასევე სტრესია“.
და მაინც: რატომ დაწერა სააკაშვილმა ასე სასწრაფოდ - როცა ნემცოვის გვამი ჯერ გაცივებულიც არ იყო! - თავის „ფეისბუქ“-გვერდზე, რომ კიევში, სასტუმრო „ფერმონტის“ რესტორანში, მან გააფრთხილა ნემცოვი, რომ მას პუტინის კი არა, კიევის უნდა ეშინოდეს? იმიტომ, რომ „პატიოსნად“ დაესწრო დურიცკაიასთვის და შემდეგ თავი არ ემართლებინა, როცა ის ამ ეპიზოდზე რფ-ის საგამოძიებო კომიტეტის მოსკოველ გამომძიებლებს მოუყვებოდა! იმ ვახშამს დურიცკაია ხომ ესწრებოდა და, შესაბამისად, სააკაშვილის გაფრთხილებაც მოისმინა...