უცხოეთი
„ლევადა-ცენტრი“: პუტინის რეიტინგმა 85%-ს გადააჭარბა

levada-zar-1-anსაქართველო, 2 მარტი, საქინფორმი. 2015 წლის თებერვალში „ლევადა-ცენტრმა“ ჩაატარა გამოკითხვა რფ-ის პრეზიდენტი ვლადიმერ პუტინის საქმიანობის მოწონების თაობაზე, რომლის რეიტინგმაც ყველა გამოკითხული მოქალაქის 86%-მდე მიაღწია. 2015 წლის იანვართან შედარებით პრეზიდენტისადმი მოქალაქეების ნდობა 1%-ით გაიზარდა. რჩებიან უკმაყოფილონიც - 13%.

მოქალაქეებს ასევე შესთავაზეს დაესახელებინათ 6 პოლიტიკოსი ან საზოგადო მოღვაწე, რომლებსაც ყველაზე მეტად ენდობიან. ვლადიმერ პუტინი პირველ ადგილზე აღმოჩნდა (გამოკითხულთა 59%), მეორე ადგილი დაიკავა თავდაცვის მინისტრმა სერგეი შოიგუმ, რომლის საქმიანობასაც გამოკითხულთა 24% იწონებს. მესამე ადგილი კი საგარეო საქმეთა მინისტრ სერგეი ლავროვს ერგო, რომლის რეიტინგიც ბოლო თვეში ძალიან გაიზარდა. გამოკითხულთა 12% არავის ენდობა.

გამოკითხულ მოქალაქეთა უმრავლესობის აზრით, ქვეყანა სწორი მიმართულებით ვითარდება. სულ გამოკითხვაში რუსეთის 1600 მოქალაქე მონაწილეობდა ქვეყნის სხვადასხვა რეგიონიდან და ქალაქიდან.