სამართალი
„თავისუფალმა საქართველომ“ პარტნიორებთან ერთად სააფთიაქო მონოპოლიების საწინააღმდეგო კამპანია დაიწყო
საქართველო, 26 თებერვალი, საქინფორმი. „თავისუფალი საქართველო“ ავრცელებს განცხადებას, სადაც, კერძოდ, ნათქვამია:
„კავკასიის რეგიონში საქართველო წამლებზე მაღალი ფასის მხრივ პირველ ადგილზეა. სოხეთთან, აზერბაიჯანთან და რეგიონის სხვა ქვეყნებთან შედარებით პრეპარატების ფასები საქართველოში საშუალოდ 5-ჯერ ძვირია. ამის მიზეზია ქართულ სააფთიაქო ბიზნესში დამკვიდრებული მონოპოლიები, რომელებიც მედიკამენტების ღირებულებას ხელოვნურად აძვირებენ.
„თავისუფალმა საქართველომ“, ქდმ-მ და „რეფორმატორებმა“ ქართულ სააფთიაქო ქსელებში არსებული მძარცველური პოლიტიკის წინააღმდეგ საპროტესტო კამპანია დაიწყეს. პარტნიორების ორგანიზაებით 18 თებერვალს საქართველოს 12 ქალაქში „პსპ“-ს და „ავერსის“ აფთიაქებთან ერთდროულად გაიმართა საპროტესტო მანიფესტაციები.
„თავისუფალი საქართველო“ და მისი პარტნირები წამლებზე მაღალი ფასებით შეწუხებულ მოსახლეობას საპროტერტო მოძრაობაში ჩართვისკენ მოუწოდებენ“, - ნათქვამია პარტიის განცხადებაში.
