სამართალი
ლევან იზორიამ გახსნა თბილისის საერთაშორისო ფორუმი „რეგიონული სტაბილურობისათვის: ბირთვული უსაფრთხოებისა და გაუვრცელებლობის გამოწვევები და პასუხები“
საქართველო, 25 თებერვალი, საქინფორმი. სასტუმრო „ქორთიარდ მერიოტში“ გამართულ ორდღიან ფორუმში მონაწილეობა მიიღეს ქართველმა ოფიციალურმა პირებმა, ბირთვულ და რადიაციულ სფეროში მომუშავე ქართველმა და უცხოელმა ექსპერტებმა, ასევე ოფიციალურმა პირებმა აშშ-დან, აზერბაიჯანიდან, ბულგარეთიდან, ესტონეთიდან, ლატვიიდან, ლიტვადან, პოლონეთიდან, რუმინეთიდან, უკრაინიდან, მოლდოვიდან, ყაზახეთიდან, სომხეთიდან, შვედეთიდან, ნორვეგიიდან, გაერთიანებული სამეფოდან, ეგვიპტედან, იორდანიიდან, ისრაელიდან.
თბილისის საერთაშორისო ფორუმის შედეგების წარდგენა მოხდება „ბირთვული გაუვრცელებლობის ხელშეკრულების მიმოხილვის კონფერენციაზე“, რომელიც 2015 წლის მაისში, ნიუ-იორკში, გაეროს შტაბბინაში ჩატარდება. აღნიშნული ფორუმის წარმატებით ჩატარება ხელს შეუწყობს ბირთვული გაუვრცელებლობის რეჟიმის გაძლიერებას და როგორც გლობალური, ისე საქართველოს ეროვნული უსაფრთხოების განმტკიცებას. 
