უცხოეთი
ჩეხეთში მომავალ ქართველ და აზერბაიჯანელ რევოლუციონერებს ამზადებენ (ახალი ამერიკული პროექტი)
საქართველო, 24 თებერვალი, საქინფორმი. ჩეხეთის დედაქალაქ პრარაში გაიხსნება აზერბაიჯანის იმ სამოქალაქო ატივისტთა მხარდაჭერის საერთაშორისო ცენტრი, რომლებიც „მთავრობის მხრიდან ზეწოლას განიცდიან“. სააგენრო როიტერის ცნობით, ახალ ცენტრში ტრენინგები და სემინარები ჩატარდება აქტივისტებისათვის აზერბაიჯანიდან, ბელარუსიდან, უკრაინიდან, მოლდოვადან, საქართველოდან, სომხეთიდან, ასევე რუსეთიდან და ცენტრალური აზიიდან.
„ჩვენ ვქმნით ახალ ცენტრს, ვინაიდან სამოქალაქო საზოგადოებას რეგიონში უზარმაზარი პოტენციალი აქვს, მაგრამ ის მზარდი ზეწოლის ქვეშ იმყოფება, განსაკუთრებით ზოგიერთ ქვეყანაში, - განაცხადა ცენტრის დირექტორმა როსტისლავ ვალვოდმა.
მისი თქმით, ცენტრი ადამიანებს ისეთ ფასეულობებს აზიარებს, როგორიცაა გამჭვირვალობა, ტოლერანტობა, კანონის უზენაესობა, ადამიანის უფლებები და ღირსება. სამოქალაქო საზოგადოების ცენტრი ჩეხური ჰუმანიტარული ორგანიზაცია People in Need-ის მიერ იქმნება და ფინანსდება აშშ-ის საერთაშორისო განვითარების სააგენტოს, შვედეთისა და ჩეხეთის მთავრობებისა და ორი კერძო ამერიკული ფონდის მიერ.
აღსანიშნავია, რომ ორგანიზაციები, რომლებიც აღნიშნული ცენტრის უკან დგანან, წარსულში მხარს უჭერდნენ აზერბაიჯანის არასამთავრობო ორგანიზაციებსა და ოპოზიციურ აქტივისტებს, რომლებიც აზერბაიჯანში სიტუაციის დესტაბილიზაციას ცდილობდნენ. ამგვარი ინიციატივა შეიძლება განვიხილოთ როგორც ოკეანისგაღმა ცენტრების ახალი მცდელობა პოსტსაბჭოთა სივრცეში ვითარების დესტაბილიზაციისათვის.
