უცხოეთი
ნატოს საინფორმაციო ბიუროს დირექტორი მოსკოვში რობერტ ფშელი: „ნატო თავის რიგებში უკრაინას მანამ არ მიიღებს, სანამ ის თავის ტერიტორიულ დავებს არ გადაჭრის!“
საქართველო, 6 თებერვალი, საქინფორმი. მოსკოვში მიესალმებიან საფრანგეთის პრეზიდენტი ფრანსუა ოლანდის გამონათქვამებსა და პრაგმატულ თვალსაზრისს, რომელმაც განაცხადა, რომ არ სურს უკრაინის შესვლა ნატოში, - განაცხადა რუსეთის პრეზიდენტის თანაშემწემ იური უშაკოვმა.
იანვრის ბოლოს ნატოს საინფორმაციო ბიუროს დირექტორმა მოსკოვში რობერტ ფშელმა განაცხადა, რომ ჩრდილოატლანტიკური ალიანსი თავის რიგებში უკრაინას არ მიიღება მანამ, სანამ ის თავის ტერიტორიულ დავებს არ გადაჭრის. მისი თქმით, ქვეყნებმა, რომლებიც ალიანსში გაწევრებას ესწრაფვიან, ერთი და იგივე პროცედურები უნდა გაიარონ. გამონაკლისი არც უკრაინისთვის დაიშვება.
