უცხოეთი
პოლონეთის საგარეო უწყების ხელმძღვანელი: „საკონცენტრაციო ბანაკი ოსვენციმში უკრაინელებმა გაათავისუფლეს!“

1-glava-zar-2საქართველო, 23 იანვარი, საქინფორმი. „აუშვიც-ბირკენაუს“ საკონცენტრაციო ბანაკი ოსვენციმში უკრაინელებმა გაათავისუფლეს. ის უკრაინის პირველმა ფრონტმა და უკრაინელებმა გაათავისუფლეს. იანვრის იმ დღეს იქ უკრაინელი ჯარისკაცები იყვნენ და ბანაკის კარი მათ გააღეს, - განაცხადა პოლონური რადიოს ეთერში გჟეგოჟ სხეტინამ, პოლონეთის საგარეო საქმეთა მინისტრმა და მიხეილ სააკაშვილის მეგობარმა, რუსეთის პრეზიდენტი ვლადიმერ პუტინის მიერ ბანაკის გათავისუფლების (წითელი არმიის მიერ 1945 წლის 27 იანვარს) 70 წლისთავზე მიპატიჟების პასუხად.

ცნობისათვის: ოსვენციმი - პატარა ქალაქია სამხრეთ პოლონეთში, რომელიც 50 000 მცხოვრებს ითვლის. 1940 წლის აპრილის ბოლოს „ეს-ეს“-ის რეიხსფიურერი ჰენრიხ ჰიმლერის ბრძანებით, ოსვენციმში შეიქმნა გერმანული საკონცენტრაციო ბანაკების კომპლექსი „აუშვიც-ბირკენაუ“. 1940-1945 წლებში საკონცენტრაციო ბანაკებში, სხვადასხვა შეფასებით, 1.5-დან 4 მლნ-მდე ადამიანი დაიღუპა.