საქართველო, 13 იანვარი, საქინფორმი. გერმანული გაზეთი Hamburger Morgenpost-ის ოფისი, რომელმაც ფრანგული გამოცემა Charlie Hebdo-ს კარიკატურები გადაბეჭდა მუჰამედ მოციქულზე, თავდასხმას დაექვემდებარა. დაუდგენელმა პირებმა შენობის ქვედა სართულებს, სადაც გაზეთის ოფისია განთავსებული, ქვები და ცეცხლწამკიდებელი ნივთიერებით სავსე ბოთლები დაუშინეს, რომლებმაც ხანძარი გამოიწვია. შედეგად არავინ დაშავებულა.

აშშ-ის ნაციონალური უსაფრთხოების სააგენტომ ხელში ჩაიგდო ჯიჰადის დაჯგუფების ზოგიერთ ლიდერთა მოლაპარაკებები, საიდანაც გამომდინარეობს, რომ ევროპას ტერორისტული აქტების ახალი ტალღა ელოდება, ხოლო პარიზის მოვლენები მათ წინაპირობას წარმოადგენს. „ალ-ქაიდამ“ ასევე გააფრთხილა ახალი ტერაქტებისთვის მზაობის შესახებ. ასე მაგალითად, ორგანიზაციის იემენური განყოფილების ხელმძღვანელმა შეიხ ჰარის ან-ნაზარმა წინა დღეს განაცხადა, რომ „ვერავინ, ვინც ალაჰის წინააღმდეგ იბრძვის, ვერ იქნება უსაფრთხოდ!“, - გადმოსცემს ინტერფაქსი.