საქართველო, 12 იანვარი, საქინფორმი.  პარიზის ცენტრში 12 კაცის მკვლელობა ტერორისტების მიერ სრულებით აკმაყოფილებს აშშ-ის ინტერესებს, მიაჩნია პოლიტოლოგ ალექსეი მარტინოვს. LifeNews-თან ინტერვიუში მან განაცხადა, რომ კონსპიროლოგიური თეორიების მომხრე არ არის, თუმცა დარწმუნებულია, რომ იმ ბოევიკების უკან, რომლებმაც სისხლიანი ტერაქტი მოწყვეს ჟურნალ Charlie Hebdo-ს რედაქციაში, აშშ-ის სპეცსამსახურები დგას. ალექსეი მარტინოვის აზრით,  ვერსია იმის შესახებ, რომ თავდასხმის მოტივად შესაძლოა მოციქული მუჰამედის კარიკატურა ქცეულიყო, სასაცილოდ გამოიყურება.

„რა, 5 წელი გეგმავდნენ? ეს სასაცილოა! ყველაფერი ძალზე მკაფიოდ გააკეთეს. ტერაქტი მომზადებულია აშკარად არა იმ ადამიანების მიერ, ვინც მხოლოდ შემსრულებლები არიან. პირველი დასკვნა, რომელიც აქედან შეიძლება გამოვიტანოთ: საფრანგეთი აბსოლუტურად არ იყო მზად ტერორიზმის ამდაგვარი გამოვლენისთვის, სპეცსამსახურებმა მისი აღკვეთა ვერ შეძლეს. აქვე იბადება კითხვა: რატომ?

ბოლო წლებში, აშშ-ის ზეწოლით, ბევრმა ევროპულმა ქვეყანამ შეზღუდა რუსეთთან თანამშრომლობა საერთაშორისო ტერორიზმთან ბრძოლაში. უსაფრთხოების სფეროში გარკვეულწილად სუვერენიტეტის დათმობით, მზად იყავით, რომ ისევე მოგექცევიან, როგორც საფრანგეთს მოექცნენ“.