უცხოეთი
ბერლინი: მრავალათასიანმა დემონსტრაციამ ნატოს დაშლა მოითხოვა
საქართველო, 17 დეკემბერი, საქინფორმი. რუსეთთან მეგობრობა, გერმანიიდან ამერიკის ჯარების განდევნა და ჩრდილოატლანტიკური ალიანსის გაუქმება მოითხოვეს ბერლინში გამართული მრავალათასიანი დემონსტრაციის მონაწილეებმა. გერმანელთა კოლონებმა მსვლელობა მოაწყვეს საპრეზიდენტო სასახლემდე - იტყობინება ტელეარხი PressTV.
„რუსეთი ჩვენი მეგობარია, რუსი ხალხი ჩვენი მეგობარია და არ გვსურს მათტან ომის მდგომარეობაში ყოფნა. ჩვენ გვინდა მშვიდობა ევროპაში, რუსეთი კი ევროპის ნაწილია“, - განაცხადა დემონსტრაციის ერთ-ერთმა მონაწილემ.
მიტინგის ორგანიზატორი იყო „მოძრაობა მშვიდობისათვის“, რომელიც სულ უფრო მეტ ძალებს იკრებს გფრ-ში. მომიტინგეთა თვალსაზრისით, აშშ-ის მიერ განსაზღვრული ნატოს პოლიტიკა დაძაბულობის ესკალაციას იწვევს და შესაძლოა ევროპაში ომის დაწყებაც გამოიწვიოს.
