საზოგადოება
სამგორისა და საბურთალოს რაიონის გამგებლები შესაძლოა თანამდებობიდან გაათავისუფლონ
საქართველო, 11 დეკემბერი, საქინფორმი. სამგორის გამგებელი მამუკა ჩოქური შესაძლოა თანამდებობიდან გაათავისუფლონ. ამის მიზეზი შესაძლოა "თბილისობის" დღესასწაულზე, რაიონის ბიუჯეტიდან ტენდერის გარეშე თანხების ხარჯვა გახდეს. ფინანსური ხარჯვების შესახებ დოკუმენტაცია მთავარმა პროკურატურამ გამგეობიდან უკვე გამოითხოვა.
როგორც ცნობილია, ჩოქურმა თანხები გადაურიცხა ფირმას, რომლის მფლობელიც მისი მეუღლის მეგობარია. გივიკო რაზმაძე ჩოქურის მეუღლის სამოდელო სააგენტოს მოდელია. მან ფირმა თბილისობამდე რამდენიმე დღით ადრე დააარსა, შემდეგ კი გააუქმა.
"პირველ რადიოს" თბილისი მერიაში არაოფიციალურად ასევე განუცხადეს, რომ ჩოქურთან ერთად, შესაძლოა საბურთალოს გამგებელი მიქაუტაძის პასუხისმგებლობის საკითხიც დადგეს, რომელის რაიონშიც ასევეა აღმოჩენილი "თბილისობის" დღესასწაულთან დაკავშირებული დარღვევები.
