უცხოეთი
ნატოს ქვეყნების სადაზვერვო სამსახურების დასკვნა: „რუსეთს არ სურს კონფლიქტის ესკალაცია უკრაინაში“
საქართველო, 10 დეკემბერი, საქინფორმი. ნატოს სადაზვერვო სამსახურების ვერსიით, დასავლეთი უკრაინის კრიზისთან მიმართებაში რუსეთს ცრუ შეფასებას აძლევს. კრემლი არ არის დაინტერესებული მეზობელ ქვეყანაში კონფლიქტის გამწვავებით. ჟურნალ Der Spiegel-ის მასალები რია ნოვოსტის მოჰყავს.
სადაზვერვო სამსახურების შეფასებით, რუსეთს არ სურს კონფლიქტის გამწვავება, ხოლო მოსკოვის პოლიტიკა მიმართულია თვითგამოცხადებული დონეცკისა და ლუგანსკის სახალხო რესპუბლიკების გარდაქმნისაკენ „ფუნქციონირებად ადმინისტრაციულ ერთეულებად“ ფედერაციული უკრაინის შემადგენლობაში, კიევთან შეთანხმების მიღწევის შემთხვევაში, - აღნიშნავს გამოცემა.
ჟურნალისავე ცნობით, ნატო არ ელოდება კრემლის მხრიდან აგრესიას, ამიტომ ჩრდილოატლანტიკური ალიანსის ძალების სპეციალური მოწინავე ჯგუფის შექმნის გეგმა უბრალოდ სიტყვებია. მოსკოვს არ აქვს შესაბამისი პოლიტიკური განზრახვები, - მიუთითებს გამოცემა.
