საზოგადოება
ზედელაშვილი თანამდებობას ტოვებს - ჭიკაიძის უწყებაში დიდი წმენდა დაიწყო
საქართველო, 8 დეკემბერი, საქინფორმი. შსს-ში „პირველ რადიოს“ არაოფიციალურად დაუდასტურეს, რომ სუს-ის უფროსმა მალხაზ ჩიკვილაძემ და შსს-ს გენინსპექციის უფროსმა ირაკლი სამყურაშვილმა თანამდებობები უკვე დატოვეს. სამინისტროს წყაროს ინფორმაციით, ფაქტობრივად გადაწყვეტილია ალექსანდრე ჭიკაიძის პირველი მოადგილე გიორგი ზედალაშვილის თანამდებობიდან გადადგომა. ზედელაშვილი პრემიერ-მინისტრის მეუღლის ნათესავის, ზვიად ჯანყარაშვილის მამიდაშვილია.
გავრცელებული ინფორმაციით, ალექსანდრე ჭიკაიძემ ქვეყნის ყოფილი პრემიერი ივანიშვილისგან რამდენიმე დღის წინ საკადრო პოლიტიკის თაობაზე შენიშვნა მიიღო. ვრცელდება ინფორცია, რომ ზედელაშვილი-სამყურაშვილი-ჩიკვილაძის შემდეგ შსს-ს რიგებში ფართომასშტაბიანი საკადრო წმენდა განხორციელდება და ღარიბაშვილი-ჯანყარაშვილის კადრები შსს-ს დატოვებენ. 
