უცხოეთი
აფხაზეთმა შესაძლოა დონეცკის სახალხო რესპუბლიკის სუვერენიტეტი აღიაროს
საქართველო, 28 ნოემბერი, საქინფორმი. აფხაზეთმა, შესაძლოა, დონეცკის სახალხო რესპუბლიკის სუვერენიტეტი აღიაროს. ამ საკითხზე აფხაზეთის პრემიერ-მინისტრი ბესლან ბუთბა დონეცკის სახალხო რესპუბლიკის წარმომადგენლებს ესაუბრა.
„რესპუბლიკის ხელმძღვანელის ალექსანდრე ზახარჩენკოს და აფხაზეთის პრემიერის შეხვედრაზე სოხუმის მხრიდან ჩვენი სახელმწიფოს აღიარებაზე იყო საუბარი. ეს საკითხი ახლა მუშავდება, სავარაუდოდ, აღიარების შესაბამისი დოკუმენტები 2 კვირაში იქნება მზად“, – განაცხადა დონეცკის რესპუბლიკის საგარეო საქმეთა მინისტრმა ალექსანდრე კოფმანმა.
შეგახსენებთ, რომ დონეცკის სახალხო რესპუბლიკის უზენაესმა საბჭომ გაეროს მისი სუვერენიტეტის აღიარების თხოვნით 20 ივნისს მიმართა. ანალოგიური დოკუმენტები ასევე სერბეთში და სამხრეთ ოსეთშიც გაიგზავნა.
