საქართველო, 27 ნოემბერი, საქინფორმი. საფრანგეთმა რუსეთს 3 მლრდ ევროს ოდენობის კომპენსაცია უნდა გადაუხადოს „მისტრალის“ ტიპის „შვეულმფრენმზიდების მიწოდებაზე უარის შემთხვევაში, - ვარაუდობენ ექსპერტები, რომლებმაც ამის შესახებ გაზეთ Parisien-ს განუცხადეს.

გამოცემის წყარო დიპლომატიურ წრეებში აღნიშნავს, რომ ხომალდების მიწოდების კონტრაქტის ღირებულებაზე - 1.2 მლრდ ევრო, რუსეთმა დამატებით შეიძლება მოითხოვოს კომპენსაცია 800 მლნ-მდე თითო „მისტრალზე“. ამგვარად, მთლიანობაში კომპენსაცის მოცულობამ შესაძლოა 3 მლრდ ევროს მიაღწიოს.

თუმცაღა, ერთიანი აზრი კომპენსაციის მოცულობასთან დაკავშირებით ფრანგულ მედიას არ აქვს. მაგალითად, გამოცემა Nouvel Observateur-ის მონაცემებით, კომპენსაციის მინიმალური თანხა 250 მლნ ევრო იქნება, ამასთან, გაზეთ „მონდეს“ ჟურნალისტები ვარაუდობენ, რომ ეს თანხა მილიარდ ევროს შეადგენს.

ამასთან, საფრანგეთმა რფ-ს უნდა გადაუხადოს თანხა, რომელიც რუსეთის მხარემ ხომალდებისთვის ავანსად შეიტანა - კონტრაქტის ღირებულების სამი მეოთხედი - 800 მლნ ევრო.

„მისტრალის“ ტიპის ორი შვეულმფრენმზიდის მიწოდებაზე კონტრაქტი ფრანგულ კომპანია DCNS-სა და “როსობორონოექსპორტს“ შორის 2011 წელს გაფორმდა. ხელშეკრულების ღირებულებამ 1.2 მლრდ ევრო შეადგინა. პირველი ხომალდი რუსეთის ფლოტის შეიარაღებაში 2014 წლის ბოლომდე უნდა გადავიდეს, მეორე კი 2015 წელს.