საქართველო, 10 ნოემბერი, საქინფორმი. აშშ-ის პრეზიდენტმა ბარაქ ობამამ პარასკევს, 7 ნოემბერს, სანქცია გასცა ერაყში 1.5 ათასი სამხედრო მოსამსახურისგან შემდგარი დამატებითი კონტინგენტის გაგზავნის თაობაზე ტერორისტულ ორგანიზაცია „ისლამურ საელმწიფოსთან“ საბრძოლველად. ამის შესახებ „ასოშიეითედ პრესი“ იუწყება.

ობამას ადმინისტრაციის ცნობით, სამხედრო მოსამსახურეები მონაწილეობას არ მიიღებენ საბრძოლო მოქმედებებში. მათი ამოცანა ერაყის არმიისა და ქურთი სახალხო მოლაშქრეების წვრთნა იქნება. კონტინგენტი ბაღდადისა და ქალაქ ერბილის მახლობლად მდებარე ბაზებზე განთავსდება.