საქართვლო, 6 ნოემბერი, საქინფორმი. დასავლეთის ქვეყნები, უკრაინის კრიზისის გამო, რუსეთთან ახალი ცივი ომის ზღურბლზე არიან. ამასთან, ევროკავშირის ლიდერებს ბოლომდე არ ესმით ვლადიმერ პუტინის განზრახვების სერიოზულობა, განაცხადა ფინეთის პრეზიდენტმა საული ნიინისტიომ „გარდიანთან“ საუბარში.

„რუსეთთან ფინეთის ურთიერთობების გამოცდილება, მიუხედავად სიტუაციისა, იმის დემონსტრირების საშუალებას გვაძლევს, თუ რა მოგვწონს და რა - არა. და ეს ერთადერთი ჩვენთვის მისაღები ფორმაა მეზობელ ქვეყანასთან ურთიერთობის“, - განაცხადა ნიინისტიომ და დასძინა, რომ ფინეთმა მხარი დაუჭირა ნატოს, როგორც პროგრამა „პარტნიორობა მშვიდობისათვის“ წევრმა, მაგალითად, ავღანეთში ოპერაციის ჩატარებისას. ფინეთმა, ევროკავშირის სხვა ქვეყნებისგან განსხვავებით, იქ ქვეითი ჯარი გააგზავნა.