geflag
უცხოეთი
აშშ-მა დონეცკისა და ლუგანსკის სახალხო რესპუბლიკებში არჩევნებს არაკანონიერი უწოდა

1-Nezakon-zar-3საქართველო, 4 ნოემბერი, საქინფორმი. აშშ უკანონოდ მიიჩნევს არჩევნებს, რომლებიც თვითგამოცხადებულ დონეცკისა და ლუგანსკის სახალხო რესპუბლიკებში ჩატარდა, - განუცხადა რია ნოვოსტის თეთრი სახლის წარმომადგენელმა მარკ სტროხმა.
„ჩვენ ვგმობთ ე. წ. არჩევნებს, რომლებიც სეპარატისტებმა აღმოსავლეთ უკრაინის ზოგიერთ ნაწილში ჩაატარეს. ამ „არჩევნების“ ჩატარება ეწინააღმდეგება უკრაინის კონსტიტუციასა და კანონებს, ასევე  მინსკის 5 სექტემბრის ოქმს“, - განაცხადა თეთრ სახლთან არსებული ნაციონალური უსაფრთხოების საბჭოს წარმომადგენელმა.

„ერთადერთი კანონიერი ადგილობრივი არჩევნები აღმოსავლეთ უკრაინაში 7 დეკემბერს ჩატარდება, როგორც გაწერილია პრეზიდენტი (პეტრო) პოროშენკოს მიერ ხელმოწერილ  კანონში დონეცკისა და ლუგანსკის ოლქების  სპეციალური სტატუსის შესახებ, და იმ პროტოკოლის შესაბამისად, რომელსაც სეპარატისტებმა ხელი მოაწერეს რუსეთსა და უკრაინასთან ერთად ბელარუსში, მინსკში, 5 სექტემბერს“, - აღნიშნა თეთრი სახლის წარმომადგენელმა.