სამართალი
შსს-ს საგანგებო სიტუაციების მართვის დეპარტამენტის სამაშველო მომზადებისა და რეაგირების ბაზას ნატოს ექსპერტი სტეფანო სანტომატო ეწვია
საქართველო, 22 ოქტომბერი, საქინფორმი. სტეფანო სანტომატოს საგანგებო სიტუაციების მართვის დეპარტამენტის დირექტორი ზვიად ქაწაშვილი, დირექტორის მოადგილე ლევან ბუიღლიშვილი და დეპარტამენტის სხვა წარმომადგენლები შეხვდნენ. სტუმარს წარუდგინეს პრეზენტაცია და დეპარტამენტის ფუნქცია-მოვალეობები გააცნეს.
სტეფანო სანტომატო შსს-ს საგანგებო სიტუაციების მართვის დეპარტამენტის სამაშველო მომზადებისა და რეაგირების ბაზის შესაძლებლობებს, აღჭურვილობას და პირად შემადგენლობას გაეცნო.სამაშველო ბაზაზე საგანგებო სიტუაციის მართვის შესახებ სიმულაციური საჩვენებელი ტრენინგი გაიმართა.
