უცხოეთი
საერთაშორისო სავალუტო ფონდი სანქციების გაუქმებას პროგნოზირებს
საქართველო, 14 ოქტომბერი, საქინფორმი. საერთაშორისო სავალუტო ფონდის 2015 წლის პროგნოზები ევროპასთან მიმართებაში შეიცავს ვარაუდებს რუსეთისა და მსხვილი ეკონომიკების მიმართ სანქციებისა და „კონტრსანქციების“ კამპანიის დასრულების შესახებ. რფ, როგორც ჩანს, აქტიურ მონაწილეობას განაგრძობს G20-ის მუშაობაში თურქეთის თავმჯდომარეობისას 2015 წელს, უკრაინის ფაქტორი არ დაბლოკავს საერთაშორისო ინსტიტუტებთან მუშაობას. ასეთია საერთაშორისო სავალუტო ფონდისა და მსოფლიო ბანკის წლიური სესიის ძირითადი შედეგები.
ვაშინგტონში კვირას დასრულდა საერთაშორისო სავალუტო ფონდისა და მსოფლიო ბანკის წლიური სესიის ოფიციალური ნაწილი, რომლის ფარგლებშიც ასევე გაიმართა G20 ქვეყნების ფინანსური უწყებების მინისტრების სხდომა. რუსეთისთვის მთავარი შედეგი - მისი თანამშრომლობა G20-თან, სსფ-სთან და მსოფლიო ბანკთან, ორმხრივი საგარეო პოლიტიკური პრობლემების გამო აშშ-თან, იაპონიასთან, ევროკავშირსა და კანადასთან, არ შეწყდება, თუმცა ინიციატივების განვითარება, რომელთა რეალიზაციაშიც რფ დაინტერესებული იყო ბოლო წლებში, მას ახლა დამოუკიდებლად მოუწევს.
სესიაზე რუსეთი წარმოდგენილი იყო ფინანსთა სამინისტროსა (მინისტრი ანტონ სილუანოვი) და ცენტრალური ბანკის (ელვირა ნაბიულინა და მისი პირველი მოადგილე ქსენია იუდაევა) ხელმძღვანელობებით. მოლოდინის საწინააღმდეგოდ, რუსეთმა არ დაადასტურა და არც უარყო პრეზიდენტ ვლადიმერ პუტინის ჩასვლა G20-ის ნოემბრის სამიტზე ბრისბენში.
