აქტუალური
ლადო სადღობელაშვილი: „ჩვენ არცერთი ბიზნესმენი არ გვაფინანსებს, მით უფრო პუტინი, რომელიც ოკუპანტია“
საქართველო, 7 ოქტომბერი, საქინფორმი. „თავისუფალი თაობა“ ყრილობისთვის ემზადება, რომელიც ფილარმონიაში გაიმართება. გუშინ გამართულ ბრიფინგზე „პირველი რადიოს“ რადიოკლუბში „თავისუფალი თაობის“ ხელმძღვანელმა ლადო სადღობელაშვილმა კატეგორიულად უარყო გავრცელებული ინფორმაცია იმის შესახებ, რომ მათ ორგანიზაციას, პოლიტიკოსები და ბიზნესმენები აფინანსებენ.
„ჩვენ არცერთი ბიზნესმენი არ გვაფინანსებს. ბურჯანაძე, ივანიშვილი და, მით უფრო, არც პუტინი - რომელიც, როგორც საზოგადოების უდიდესი ნაწილისთვის, ეს პიროვნება არის ოკუპანტი. ჩვენ კავშირი არ გვაქვს არცერთ პოლიტიკოსთან. უშუალოდ დაფინანსება მოდის ჩვენი ორგანიზაციიდან, გაწევრიანებული წევრები შეიძლება ითქვას, შეძლებული ოჯახის შვილები ვართ“, აღნიშნა მან. 
