საზოგადოება
ეგვიპტეში დაშავებული ქართველების ჯანმრთელობის მდგომარეობა დამაკმაყოფილებელია
ეგვიპტეში ავტოსაგზაო შემთხვევის შედეგად დაშავებული ქართველების ჯანმრთელობის მდგომარეობა დამაკმაყოფილებელია. ცოლ-ქმარი მაია წიკლაური და ზურაბ გიგუაშვილი ქაიროს ერთ-ერთ საავადმყოფოში არიან მოთავსებული.
ექიმების თქმით, მდგომარეობა სტაბილურია და მათ სიცოცხლეს საფრთხე არ ემუქრება.საქართველოს ორი მოქალაქე ტურისტული ავტობუსით ქაიროდან ხურგადისკენ მიემგზავრებოდა. ავტობუსი გზის სავალი ნაწილიდან გადავიდა და ამოტრიალდა.
ადგილზე დაიღუპა 9 და დაშავდა 40 ადამიანი. ავარიის მიზეზად ავტობუსის გადაჭარბებული სიჩქარე სახელდება. საქართველოს საგარეო უწყება მომხდარის დეტალებს არკვევს.
