პოლიტიკა
პრეზიდენტი მარგველაშვილი საფრანგეთის პრეზიდენტ ფრანსუა ოლანდს შეხვდა
საქართველო, 8 სექტემბერი, საქინფორმი. საუბრის ერთ-ერთი მთავარი თემა საქართველოს ევროპულ და ჩრდილოატლანტიკურ სტრუქტურებში ინტეგრაციის პერსპექტივა იყო. ფრანგმა კოლეგამ კიდევ ერთხელ აღნიშნა, რომ საფრანგეთიც და მოკავშირეებიც მხარს უჭერენ საქართველოს ნატოში ინტეგრაციას.
გიორგი მარგველაშვილმა მადლობა გადაუხადა ფრანსუა ოლანდს ევროპულ და ევროატლანტიკურ სტრუქტურებში ინტეგრაციის მხარდაჭერისთვის, ხოლო საფრანგეთის პრეზიდენტმა, თავის მხრივ, მადლიერება გამოხატა იმ წვლილისთვის, რომელიც ევროკავშირის მისიის ფარგლებში ქართველ სამხედროებს ცენტრალურ აფრიკაში შეაქვთ.
შეხვედრისას საუბარი შეეხო, ასევე, უკრაინაში შექმნილ ვითარებას და რუსეთ-საქართველოს ურთიერთობებს.
