უცხოეთი
CNN: „პენტაგონის ხელმძღვანელმა ჩაკ ჰეიგელმა აშშ-სა და რუსეთს შორის, უკრაინის სიტუაციის გამო, სამხედრო კონფრონტაციის ალბათობა გამორიცხა“
საქართველო, 5 სექტემბერი, საქინფორმი. აშშ-ის თავდაცვის მინისტრის თქმით, რფ „უწინდებურად აგრძელებს ძალიან სახიფათო ნაბიჯების გადადგმას, რომლებსაც დაძაბულობის ესკალაცია მოაქვს უკრაინაში და ამ ნაბიჯებს რფ-სთვის შედეგები ექნება“. მიუხედავად ამისა, აღნიშნა თავდაცვის უწყების ხელმძღვანელმა, აშშ „ამის გამო სამხედრო მოქმედებებს არ განახორციელებს, რუსეთის წინააღმდეგ ომს არ დაიწყებს“.
ამასთან, ჰეიგელის აზრით, არ არსებობს არავითარი საფუძველი იმის მტკიცებისათვის, რომ მოცემულ რეგიონში დაძაბულობის დესკალაციისკენ მიმართული დიპლომატიური ძალისხმევა ფუჭი გამოდგა. 
