უცხოეთი
ტერორისტული დაჯგუფება „ისლამური სახელმწიფოს“ ბოევიკები კავკასიის დალაშქვრით იმუქრებიან!
საქართველო, 4 სექტემბერი, საქინფორმი. ტერორისტული დაჯგუფება „ისლამური სახელმწიფოს“ ბოევიკებმა ინტერნეტში ვიდეოჩანაწერი გამოაქვეყნეს, სადაც ჩეჩნეთსა და კავკასიაში ომის დაწყებით იმუქრებიან, - იტყობინება არაბული ტელეარხი „ალ-არაბია“. ვიდეოჩანაწერში ერთ-ერთი ბოევიკი სირიაში, რაკას პროვინციაში მდებარე ტაბაკის რაიონში მათ მიერ დაპყრობილი სამხედრო აეროდრომის გამანადგურებლის კაბინიდან ლაპარაკობს. კერძოდ, იგი აცხადებს, რომ ბოევიკებს განზრახული აქვთ „ჩეჩნეთისა და კავკასიის გათავისუფლება ალაჰის წყალობით“. ვიდეოჩანაწერი რუსულ ენაზეა თარგმნილი.
ამასთან, ბოევიკები დაემუქრნენ სირიის პრეზიდენტ ბაშარ ასადს სამთავრობო ჯარებთან ჰაერში ომის დაწყებით. 
